Mizo Elite News hi ṭha i tihzawng a nih chuan min lo Follow dawn nia

Khawvela Face Mask Man To Ber Tur Chu Cheng Maktaduai 1 Ai In A Tam Daih

Heti lama keini lo hman ve te nen han khaikhin chuan a va han inthlau rem rem em. Hmui tuamna tur mai atana hetiang zat han insen dawn chu a turu mah mah a ni.

Israeli jewelry company te chuan khawvela Face Mask man to ber tur chu an ruahman a, design tu hi Isaac Levy a ni. Isaac hi Motza a Yvel company nei tu a ni bawk

Khawvel a a ber a nih dawn miau vangin a siam pawh theihtawp in an uluk hle. 18-karat white gold mask hi white & black diamonds 3,600 in cheimawi vek ani dawn a N99 filter a ni ang.

Isaac Levy chuan kum tawp lam ah peihfel hman an beisei tih a sawi a, amah chuan vuah dawn lo mahse an thil buaipui turu tak hian a tihlim hle tih sawiin chona ṭha tak a ni a ti.

Siam a hautak ang bawk in a man pawh a tlawm zek zawk lo. He Mask man hi cheng maktaduai 1.5 zet a ni hem mai. A lei tu tur pawh tihfel a ni tawh a, mahsela Levy hian a leitu tur hi chiang tak in a la sawi ṭha duh lo.

Levy hian a sawidan chuan khawvela face mask man to ber lei tu tur hi Chinese businessman a ni a United States a cheng leh khawsa a nih thu chauh in a la sawi a ni.

Cheng maktaduai 1 mask phen a thawk han lak ham ham dawn chu ngaihtuah zawng ringawt pawh in hmul thi te pawh a ti ding sung thei a lawm le?

DM