Mizo Elite News hi ṭha i tihzawng a nih chuan min lo Follow dawn nia

Khawvela Billionaire Naupang Ber A Nihna Aṭang Kylie Jenner Paihthlak A Ni

Kum 2019 March thla khan milarte hausakna chhutsak tu Forbes chuan Reality Star leh Makeup Mogul, Kylie Jenner chu khawvela Billionaire naupang ber ah a puang a, 2018 ah chanchinbu kawm a mawi a mite chung en a hlawh nghal.

Mahsela tun Zirtawpni khan Forbes Magazine chuan Kylie Jenner chu Billionaire a nih leh loh thu Article meuh in a rawn chhuah.

Forbes chanchinbu chuan Kylie Jenner chu dawtsawi hmang leh mahni nihna bakin lan a tum a ti a, dawt hmangin a lo bum reng niin a puh.

Kylie Jenner hian Forbes te hi Fake Document a lo pe a ni awm a, hlutna hi 1.2 Billion angin a chhut a, Billionaire naupang ber ah alo puang ta a ni.

Kum kalta khan Kylie Jenner hian a Company aṭanga 51% chu beauty giant Coty hnenah $600m in a hralh bawk. A product hralh chu a hralhna dik tak aia tamin report a ni bawk. Kylie net worth $1 Billion aia tam zawk anga sawi ṭhin kha tunah chuan $900M vel a ni. Billion a hawlh pha lo.

Kylie hian Forbes thuchhiah hnu hian Twitter ah Tweet a rawn siam nghal a, dawtsawi a nih loh leh title a phut ngai loh thu sawiin Forbes a khengzui ve leh hlak.

Kylie Jenner financial fraud ah hian Jail Time leh fine hial te pawh sawi rik ani tawh a, reh nghal duak lovin an buai chhoh hmel dawn in a lang tlat.

Kardashian chi leh kuang te hi huhang an ngah ve hrim hrim a, buaina neuh neuh pawh an ngah. Hmanni khan Kylie unaunu Kim Kardashian pasal Kanye West Billionaire a an puan ṭum pawh khan Kanye hi alo vui hle tawh a, Forbes chanchinbu chu sawisel in a sum dinhmun diktak an tarlan sak duh lo a,a sum kawl aia tlem daih tarlan sak angin alo puh tawh bawk.

DM