Mizo Elite News hi ṭha i tihzawng a nih chuan min lo Follow dawn nia

Khawvel Mi Hausa 4 Na Ah Mukesh Ambani, Kumin Ah Tluklehdingawn 22 In Hausakna Pung

Khawvel a mi hausa zual thlanchhuah zing ah India ram pa hausa tawn taw Mukesh Ambani chu 4 na ah a rawn awm ta.

Mukesh Ambani hi Reliance Industries Ltd.’s chairman niin India chauh nilo Asia khawmualpui leh a khawvel huap ah pawh a ber zingah a awm mek.

Tunah hian Ambani hausakna hi $80.6 Billion zet a ni tawh a, khawvela hausa thlanchhuah ah pali ni mek in a chungah hian Jeff Bezos, Bil Gates, leh Mark Zuckerberg te chauh an awm tawh a, Bernard Arnault, Warren Buffett, Steve Ballmer, Larry Page, Sergey Brin, Elon Musk te aiin a hausa zawk a ni.

Bloomberg Billionaires Index in a tarlan danin kum in hian Mukesh Ambani hausakna hi tluklehdingawn 22 ($22 Billion) zet in a pung.

Hripui len lai lai hian harsatna hrang hrang thleng mahse Tech Company lam tan erawh hmasawnna a ni thung a, Ambani pawh a Reliance Industries Ltd. chu nasa taka ṭhangin Invest aṭang a sum tam tak te hi a hmuh a ni.

Khawvela mi hausa zual 10 te:-

1. Jeff Bezos- $187B

2. Bill Gates- $121B

3. Mark Zuckerberg- $102B

4. Mukesh Ambani- $80.6B

5. Bernard Arnault- $80.2B

6. Warren Buffett- $79.2B

7. Steve Ballmer- $76.4B

8. Larry Page – $71.3B

9. Sergey Brin- $69.1B

10. Elon Musk – $68.7B