Mizo Elite News hi ṭha i tihzawng a nih chuan min lo Follow dawn nia

Khawvel ah a vawikhatna atan mihring lung ah vawk lung an hmang

Thiamna leh finna sang chho zel ah hian thil theih loh nia ngaih pawh hi alo theih zel mai a nih hi.

US Maryland, Baltimore a mi heart disease tawk kum 57 a upa David Bennett chu a lung thlak sak a ni a, a lung thlakna atan hian vawk lung (heart) khawih danglam chu an hmang ani.

University of Maryland, USA chuan mihring lung atan vawk lung hmanga Transplant an neih hi a hlawhtling viau tih an sawi a, ni 3 hnu ah pawh David Bennett dinhmun hi ala pangngai a. Beiseina sang tak nen an thlir mek zel ani.

David Bennett hi chawlhkar eng emaw liam ta atang khan khum betin a awm tawh. heart-lung bypass machine, extracorporeal membrane oxygenation (ECMO) chuan thi lovin ala thawk tir ve hram hram. A dinhmun thlir in beisei tur vak a awm tawh lo. Transplant nei tura vawk lung hman emaw a thih hun nghah deuh tawp bak chu beisei tur dang reng a neilo a, damkhawchhuah beiseina nen vawk lung hman chu a pawm ta ani.

University of Maryland Medical Center chuan he transplant neihna atan hian US medical regulator atang in phalna an nei. Bennett chuan Transplant hi hlawhtlingin a damchhuah pui ngei a beisei hle. Surgeon in “Tun ah rih chuah a pangngai vek a, mahse naktuk ah eng nge thleng dawn tih a hriat loh. A vawikhatna ani a, beiseina sang tak nen kan thlir ani” ati.

Surgeon Bartley Griffith chuan he Surgery hi a hlawhtling hle a nih ngat chuan khawvel tan thil ropui tak a thlen thei dawn a, organs indaih loh kawngah hmasawnin harsatna tlem tala a rawn sut kian ngei a ring. Mihring lung hian a daih vek seng dawn lo a, chutah chuan duhthlan tur a awm thei tawh ang. US ah hian organ transplant nei tura nghak mek hi nitin 17 zel an thi ziah. Waiting list ah 1,00,000 aia tam report ani.

October 2021 khan New York a surgeons ten vawk kidney chu mihring ah transplant hlawhtling an nei tih an chhal. Mahse Transplant an neih sak hi thluak thi tawh a nih vangin a thatchhuah beiseiawm a nilo thung.