Mizo Elite News hi ṭha i tihzawng a nih chuan min lo Follow dawn nia

Khawvel A Lunghlu Dumpawl Sapphire Cluster Lian Ber Chu Sri Lanka Ah An Laichhuak

Sri Lanka a Ratnapura area ah chuan lung danglam tak mai an hmuchhuak a, an lungll laihchhuah hi lunghlu dumpawl an tih mai sapphire cluster niin, tuna an hmuh zet hi chu khawvel ah hei aia lian dang hi hmuh a la ni lo hial a ni.

He lunghlu chanchin hi authorities ten Thawhlehni khan puangzar in bengkhawn pawh a hlawh hle. A neitupa Mr Gamage chuan an chenna in kawtkai maia tuichhunchhuah/tuikhuah an laihna ah an hmuchhuak tih a sawi.

Expert te chuan he ‘pale blue’ stone hi a rih lam pawh 510 kilograms vel a nia, 2.5 million carats a ni. A hlutna hi international market ah a chhe ber ah pawh $100 million zetin an chhut hem mai. A hming ah “Serendipity Sapphire” tiin an vuah.

Lung hi finfiah a nih hma in bawlhhlawh leh thil dang ten an bawh a, an tihfai na lam ah stone thenkhat te chu an tla a ni. Dr. Gamini Zoysa, top gemmologist pawn hetiang anga lian hi a hma in a la hmuh ngai loh thu leh kum 400 million kalta daih a insiam nia a hriat thu BBC a hrilh.

Sri Lanka ah hian lunghlu lam chi hi a tam in hmuhchhuah a ni fo thin niin an sawi. Nikum mai pawh khan lunghlu lam chi an thawnchhuah na atang ringawt hian half billion dollars zet sum an lo la lut tawh a ni.