Mizo Elite News hi ṭha i tihzawng a nih chuan min lo Follow dawn nia

Khawlaia Thei Zuar Chunga Lehkha A Zirlai Hian Mite Ah Chona Nasa Tak A Pe

Awlsam tak leh hahdam tak a lehkha kan la zir thei ringawt te hi lawmna tham a ni tawh a sin. Mi thenkhat chu chhungkaw dinhmun in a zir loh vang leh mimal harsatna ten a tlakbuak ah an duh angin lehkha pawh an zir ve thei lo.

Philippines ram Valenzuela ah High School zirlai chuan kawngsirah thei (fruit) zuarin a thutpui a, a hming Mike niin 9th Grade Students a ni mek bawk.

Valenzuela National High School ah zirna a zawm a, khawlaia thei a zawrhna ah hian laptop leh module te chu a hma ah inchhawp in harsa leh buai karah pawh lehkha a la zir hram hram a ni

Mike lo hmelhriat tu Facebook hmang tu Benj Gonzales chuan Mike nena an intawn dan leh a taihmakna in a hnehzia thu hi post a rawn siam hial a, a rualpui te entawn atan a duh thu a sawi ve nghe nghe.

“Marulas Public Market, Valenzuela city ah bazar turin ka chhuak a, ka beiseiin aiin an thil zawrh te chu a to hlawm khawp mai. Ka nupui raipuar mek ei atan thei (fruit) lei tur ka zawng kual a, Market ah chuan thei te hi a man a to thin vangin Vendor hnen atang lei ka duh zawk. Hetah hian Mike nen hian kan intawng ta, ka va hmuh hlim hian laptop a inchhawp avangin ka hrethiam lo hle. Engvanga thil zuar chunga Laptop vel inchhawp nge a ni tih ka zawh chuan Online Class a kal thu in min chhang a ni”.

“Valenzuela National High School ah 9th grade a ni mek a, pandemic vangin zirna pangngai kalpui theih a nilo a, heti hian thil zuar chungin Class a kal thin. A rualpui dang te chuan mahni in ah ngei Wifi tha tak hnuai ah Class an kal a ni a, a ni erawh thei zuar buai chungin rim takin a bei. Amah dawrtu te chu lunghnur na neilo in alo chhawn zel thei a ni. He thil hi lar zui hluai atan a post ka nilo a, midang ten amah atang hian chona thar leh phurna pe tu ah hmang se tih ka duh vang zawk a ni” tiin a sawi.