Mizo Elite News hi ṭha i tihzawng a nih chuan min lo Follow dawn nia

Khawlaia Khawsa Hmeichhia Chu Rilru Lama Chianlohna Neiah An Ngai, Mahsela An Beisei Loh Deuhin Zirna Lamah Erawh Alo Zir Sang Hle

Lehkhabu pawh a chhung i keu phawt a nih loh chuan a kawm atang in teh tur a ni lo. He hmeichhia pawh hi pawn lama a landan atang chuan engmah a nilo. Amaherawhchu zirna lamah chuan midangte lo beisei ai daihin a lo zirsang a ni.

Varanasi kawtthler vel ah kum 3 chhung zet chu a cheng tawh a, midang te ngaihsak a hlawh loh bakah rilru lama chian lohna nei ah an ngai vek hlawm a ni.

Ni khat chu Banaras Hindu University (BHU) student pakhat Avneesh chuan kawmin a va bia a, chutah chuan a chanchin a hrechiang chho ta chu mak a ti zawk hle a ni. He hmeichhia hi a hming Swati niin a sawi a, rilru lam a chian lohna nei anga sawi chu khaihlak lovin nal takin English a hmang thei tlat a ni.

Amah hi South India lam chhuak a ni a, Assi Ghat ah hian kum 3 chhung a lo khawsa tawh. Mi thenkhat ten chaw ei tur an pek ang te chu eiin khawlai velah chuan a mu mai thin a ni.

Swati hian a chanchin a sawi chuan Computer Science a graduat tawh. Fa a neih hnu ah a taksa ah chuan harsatna tawkin zengin a awm a, a taksa hmun thenkhat ten hnathawh tur ang a thawh theih lo. An chenna atang chhuak in kum 3 chhung chu Varanasi’s Ghats ah hian a cheng ta a ni.

Midang te chuan rilru lama harsatna tawk leh chian lohna nei ah an ngai vek a, mahsela chu chu a nilo tih a sawi. Computer lam a khawih theih bakah software dang pawh a thiam hle. Swati chuan khawngaihna vang nilo a hna pangngai tak thawh ve chu a duh tak zet thu a sawi nghe nghe bawk.