Mizo Elite News hi ṭha i tihzawng a nih chuan min lo Follow dawn nia

Khaw Miten An Puih Loh Vangin A Nu Ruang Zalhna Tur Lei Laiin Amah In A Phum

He hripui zet hi zawng a nunrawng in a ngeiawm ngawih ngawih a ni. Chhungkaw in hmangaih lai a va then nasa tawh tak em.

Bishnupura Gram Panchayat of Bhiar’s Arariya district a mi tleirawl kum 18 Soni hian hripui Covid vangin a nu a chan a, a nu ruang vui tur hian an khua miten tumah puilovin amah in PPE thuam inbel chungin thlan khur a lai a, a nu vuina hun a hmang a ni.

Soni hian a nu ringawt a chan lo a, a nu thih hma ni 4 kal ta mai khan a pa alo boral tawh bawk. A pa lu an sun atang an rilru pawh a la dam fel hma hauh in a nu hian a kalsan leh ta si a ni.

An unau hi 3 an ni a, nau mipa kum 14 a upa Nitish leh kum 12 mi hmeichhia Chandni te neiin, a nu leh pa ten an boral san takah chuan a nau te enkawl hi a ko ah a innghat thui hle a, an tan an unaunu leh nu leh pa dinhmun a chelh kawp a ngaih phah.

Soni pa Birendra Singh hian an khua ah pharmacy a nghak thin a, khaw mite chuan Dr Saheb tiin an ko thin. A chunga natna in a tlakbuak hnu ah a enkawl nan an kel leh bawng te hial an tihral phah. A nu in Covid a kai tih an hriat chuan a enkawlna tur sum leh pai an nei lo, enkawlna tha a hmuh theih loh vangin a nunna a chan phah niin an tarlang bawk.

An unau 3 hian ei tur neilo in an nu leh pa te boral vanga an tawrh zia Soni hian a sawichhuak a, an chunga thil duhawm lo tak thleng ah hian Social worker Prabhat Yadav chu tanpui turin a che chhuak nghal. District administration in sum leh pai in an unau hian a tanpui bawk. Chawlhkar khat chhung leka a zawn a nu leh pa te han chan chu a nat tur zia sawifiah thiam mai pawh a harsa ngei ang.