Mizo Elite News hi ṭha i tihzawng a nih chuan min lo Follow dawn nia

Kerala A Thlawhna Chesual A Co-pilot Thi Kha A Nupui Naute Pai Mekin A Thi Tih A Hrelo

A pasal chu kha thlawhna chesual ah khan nunna a chan ve a ni tih a hriatchhuah a, a rilru nat dan tur chu ka ngaihtuah zawng ringawt pawh in ka lung a tichhia. Vuak hrep ai pawh in a na zawk ngei ang.

Tun Zirtawp khan Kozhikode, Kerala ah thlawhna chesual in a bung a, mi 18 laiin nunna an chan. Nunna chan zingah khan kum 32 mi Co-pilot, Akhilesh Sharma a tel ve.

Akhilesh Sharma hi Govind Nagar locality of Uttar Pradesh’s Mathura a mi niin an chhungkua in hetah hian an cheng a, 2017 khan Air India hi a zawm. Air India a luh hnu lawk 2018 khan tuna a nupui Megha nen an innei a ni.

Accident a thlen khan a chhungte chuan Akhilesh Sharma hian hliam na tak tuar in a dinhmun a ngaihtuahawm tih thu an dawng a. A hnu reilo ah a hliam tuar lo hian a boral tih an hre leh.

Mahsela a nupui Megha hnen ah chuan Akhilesh boral thu hi a chhungte chuan  hrilh duh lo in an zep tlat. A chhan chu ni reilo te hnu ah Megha hi fa hring mai tur a nih vang a ni. A pasal thih thu an hrilh chuan a ṭhawng lutuk ang tih an hlauthawng a, an rilru natna te chu Megha hma ah hian an lo insum hram hram. Akhilesh chanchin a zawh chuan a inhliam thu leh ICU a enkawl a nih thu chauh in an chhang a, Megha hian a pasal a thi tih hi rei tak a hre lo.

“Kan fapa kan chan tawh a, Megha leh a naute hi chan leh mai kan duh lo” tiin Akhilesh patea Kamal Sharma chuan a lo sawi. Akhilesh pa Tulasi Ram Sharma chuan a fapa a hmuh hnuhnun ber chu June 8 khan a ni a, a nupui Megha chu Mathura a an hnena awm turin a dah a, ruahman dan chuan August 21 hian Mathura a kir leh tur a ni.

A nupui Megha hian a pasal chanchin a hriat ruala a rilru nat dan tur hi sawi in a siak lo. Nghakhlel takin a kir hun a lo ngaichang ve reng awm si a, mahsela a haw lam chu mittui nen a hmuah a ṭul ta si.

IndiaTv