Mizo Elite News hi ṭha i tihzawng a nih chuan min lo Follow dawn nia

Kendall Jenner Leh Caitlyn Te An Pafa In Malibu Ah

Pafa ti a sawi tur nge nufa tih tur pawh hriatthiam a har. A nihna dik tak ah chuan Kendall tan hian Caitlyn hi a landan danglam mahsela a pa neihchhun ve ngawih ngawih a ni.

Keeping Up With The Kardashians episode thar lam ber ah a unaunu Kylie Jenner nen physical fight neia headline an siam hnu ah Kendall Jenner (kum 24) chu a pa (a nu tih pawh a dik tho) Caitlyn Jenner (kum 70) nen an pahnih a an inzuichhuak hmuh an ni ve nawlh.

Supermodel, Kendall hi a pa Caitlyn nen hian Malibu a milarte luhchhuahna leh tlawh fo ṭhin Nobu Restaurant ah zanriah an kil dun.

Mit fukna hmasa ber ni leh ta chu Kendall thuamhnaw inbelchhuah hi a ni. Crop top var ha in a chungah fleece jacket inbel lehin Nour Hammour trousers a ha chhuak. Supermodel tih takah a thuamhnaw hian mi a hipin a ha tu hian a zir bawk nen a inhmeh leh em em.

A kalpui a pa Caitlyn pawh hmeichhe thuam famkim nen a fanu bulah hian a awm ve ran a. Caitlyn hi khawvel huapa mipa hmeichhia a inlet zingah a lar ber a ni awm e.

Caitlyn hi mipa a nih laiin Kardashian chhungkaw nu ber Kris Jenner nen an innei ṭhin a, Kris Jenner nen hian fanu pahnih khawvel huapa lar em em Kendall leh Kylie Jenner te hi an nei.

Mahsela tunah zawng hmana mipa Caitlyn kha a fanu te pahnih nen an nula ho leh zak zak ta mai.

DM