Mizo Elite News hi ṭha i tihzawng a nih chuan min lo Follow dawn nia

Ke Nei Lo A Piang Chu A Pasal Neih Ni Ah A Kut Leh Khêl Bâwr Chakna Chauh Hmangin Inneihna Lam A Pan

Inneih ni chuan mi tu mai pawh in hriatreng tlak turin nalh taka lan kan duh ṭheuh hlawm a ni. He hmeichhia pianphunga rualban lo pawh hian a damchhunga a ni ropui ber ni chuan a dan ang thlap a kalpui a duh a, harsa tak chung pawn a theihna hmang ngeiin inneihna hmun lam pan in aisle a zawh.

Rosie Babor hi Philippines ram Cebu City a mi a ni. Mahsela Rosie hian vanduaina tawkin a piangsual hlauh mai a, a pian aṭang ke a nei ve lo.

Pasal a neih ni chuan wheelchair hmang tur a ruahman sak a ni. Amaherawh chu Rosie hian Wheelchair hmanga inneihna lam pan chu a duh bik lo.

A experience atan mo dangte lo tih ṭhin angin a theihna hmang ngeiin aisle a zawh ve a ni.

October 5 khan an innei a,a khel bawr leh a kut dinglam chakna hmangin a pasal Mario Perez awmna lam a pan. A kut veilam ah chuan pangpar bouquet a hum pah bawk.

Inneihna a mo thuam a inbel pawh hi a tan bik liau liau in a chet vel leh tawlh sawn awlsam theih tura siamsak a ni a, an inneihna a a pasal awmna lam a pan lai thlalak te chuan mite rilru leh thinlung a khawih hle nghe nghe.

“Pasal neih ni chuan engkim ṭha tak leh fel fai tak nise ka duh a, tun bak he ni hi a inherchhuak leh tawh awm silo a hriat reng tur atan puitlin ngei ka duh a ni” tiin Rosie hian a sawi.

Rosie hi a pasal nen hian kum 3 lai an inngaizawng tawh. Pandemic vangin harsatna an tawk ve tho a, inneihni pawh hian chhungkua leh an ṭhian ṭha tak tak te chauh in an telpui a ni.

DM