Mizo Elite News hi ṭha i tihzawng a nih chuan min lo Follow dawn nia

Ke bai ti a an hmuhsit zaithiam Mangheta Chinzah in tun dinhmun a thlen chhoh dan a sawi

“Nuthlawi Zun” atanga mizoram dung leh vang hrutchhuak khawp a lar zaithiam Mangheta Chinzah chuan The Friday Show kaltlangin a chanchin ngaihnawm tak tak, midang te thinlung a chona pe thei tu tur thil tam tak a sawi.

Mangheta hian tun dinhmun a thlen theihna chhan chu Pathian vang chauh a ni a, a ke lama midang te ang pha lo mahse harsatna a tawk chung pawh in hmangaihtu thiantha tak tak Pathian in a pe a, an ni chuan a harsatna tawhna hmuh kan sak in tanpui a ngaihna ah atan puitur in an awmpui thin a ti.

A ke lama a harsatna a tawh hi ruihhlo Drugs khawih vang tia sawi awm thin chu dawt a nih thu a sawichiang a Ruihhlo lakah chuan a fihlim tih a sawi tel. Tin, he a natna hi a pian hlim atanga a neih nilovin Class 6 a kal lai atanga nei tan a ni bawk.

Tunhma chuan amah ah beidawn rum rum chang neiin Depression hial a nei thin tih a sawi, a natna avangin a nuam tih leh chak ngawih ngawih te kalsan a ngaih phah a mahsela beidawnna ruam atang Pathian in a hruaichhuak “Pathian in tun dinhmun hi ka ke ai ah min pe a ni” tiin Mangheta hian a hlawhtlinna a sawi.

Mangheta nun atang a entawn leh zir tur tha tak awm chu a Music kaihhnawih buaipuina senso ah hian a chhungte sum leh pai engmah hmang lovin ama thawhchhuah ngei hmang in typing ten a hla Record na man tur hi a thawkchhuak thin a ni.

Rei tak a reh hnu ah kum in hian Project lian tham deuh tak buaipui tum in hma a la mek tih a fans te a hrilh nghal.