Mizo Elite News hi ṭha i tihzawng a nih chuan min lo Follow dawn nia

Kawng A Chin Hnuai Lam Neilo Chu Wrestler Hmingthang Tak Ni Thei

“Ka tum nge ruh sa ruh” tih ang deuh in tum chuan theih loh reng hi alo awm lo.

United State a Columbus, Ohio a mi Zion Clark hi kawng a chin hnuai lam nei lo a piangchhuak in ke a nei ve lo. Caudal Regression Syndrome vang in tihian a piangsual ta a ni.

A nu leh pa dik tak te hian an kalsan a, kum 7/8 chu orphanages ah a cheng. 2015 khan Kimberli Hawkins chuan Zion Clark hi fapa atan a la.

Kum 2 mi a nih aṭang Wrestling hi a ngaina daih tawh. A arts teacher chuan amah ah phurna nasa tak a pe a, a teacher hi wrestling coach a lo ni bawk a chuta ṭang chuan wrestling lamah hian theihtawp in ṭan a la chho ta a.

Hei bakah wheelchair racing ah te pawh tel in 2016 ah 100-meter leh 400-meter state titles a lo hui tawh a 800-meter race ah pathumna a ni bawk.

Tuscarawas, New Philadelphia a Kent State University ah Business Management student a nihin school’s wrestling team ah te a tel ṭhin. Ke nei lo mahse he a piansualna avang hian a nih tum a zawhna kawngah indal tir a duh reng reng lo.

Tunah meuh chuan Wrestler hmingthang leh mite hriat a ni tawh a, a chanchin leh thil tawn te chu midang ten fuihna ṭha tak leh entawn atan an hmang tawh.

Zion Clark pual hian Netflix lam te chuan a pualin short film documentary an buatsaih chu August 10, 2018 khan an lo tichhuak tawh bawk.

Thil reng reng i tum hma hauh a thei lo tur anga i in ngaih chhung chuan engtik ah mah i thei ngai dawn lo a, mahsela nangmah ah i thei nia i inhriat chuan i ti thei a ni tih theihnghilh ngai suh ang che.

Face2faceafrica