Mizo Elite News hi ṭha i tihzawng a nih chuan min lo Follow dawn nia

Katrina Kaif Leh A Pasal Tur Vicky Kaushal Lakah Thubuai Siam

December 9 a innei mai tur Katrina Kaif-Vicky Kaushal te lakah Rajasthan lam chhuak advocate pakhat in thubuai a thlen tlat mai.

Hotel Six Senses Barwara Fort,Sawai Madhopur a an inneihna turah hian Vicky, Katrina, leh hotel manager lam ten sakhaw mite tawngtaina Chauth Mata temple kalna tur an khar (block) a ni tiin Advocate Netrabind Singh Jadoun hian District Legal Services Authority, Sawai Madhopur ah complaint a ziaklut tih Bollywood media lian tak takin an puang.

Nupa tuak thar tur te Vicky leh Katrina hi sum lamah an buailo bawk a, thil an ti thei viau ni tur a ni. An inneihna kaihhnawih vel vang hian venhimna an uluk a December 6 atang 12 thleng hotel management te chuan inkharkhip puang in an chhehvel panna tur kawng khar a ni dawn tih tarlan a ni a, hotel awmna hi temple pawimawh panna kawng a awm alo ni kher bawk nen inneihna avang maia Temple kal pawh theih a nilo tur hi Advocate Netrabind Singh Jadoun a lungawilo a ni.

Netrabind Singh Jadoun hian Chauth Mata Temple chu an hmun pawimawh historical temple a ni a, nitin sakhaw lama inhmang tak tak te tawngtai leh aarti neia kal an awm ziah thin thu a sawi.

India Today in a tarlan danin Vicky Kaushal leh Katrina Kaif inneih chhim tur milar sawm zingah Karan Johar, Farah Khan, Ali Abbas Zafar, Kabir Khan leh Mini Mathur & Rohit Shetty te pawh an tel a, VVIP Guest tan luxurioua tent 8 -10 an book fel a, zan khat hman atan Rs 70,000 in a intan a ni.