Mizo Elite News hi ṭha i tihzawng a nih chuan min lo Follow dawn nia

Kareena Kapoor leh a pasal Saif Ali Khan ten chanchin lawmawm an nei

Bollywood nupa lar ber te zinga mi Saif Ali Khan leh a nupui Kareena Kapoor ten chanchin lawmawm tak mai an rawn nei a tun ah hian an fa pahnihna tur an beisei leh mek.

Nimin ah Saif leh Kareena te hian thuchhuah inṭawm an siam a, Taimur nau tur an pai mek thu hi puanzarna an nei. A hma pawh in Saif te nupa hian fa neih leh an duh thu hi an sawilang fo tawh ṭhin.

Kareena Kapoor hi Saif Ali Khan nupui pahnihna a ni a October 2012 khan an innei. Fapa kum 3 mi Taimur Ali Khan an nei mek a Taimur hi December 2016 khan a piang. An nupa hian Film hrang hrang Omkara, Agent Vinod, Kurbaan leh Tashan ah te an chang dun tawh nghe nghe.

Kareena nen an inneih hma in Saif hi Amrita Singh nen 1991 ah an innei a 2004 ah an inṭhen. Amrita Singh nen hian fa pahnih nula leh tlangval Sara Ali Khan leh Ibrahim Ali Khan te an lo nei tawh a ni.

NDTV