Mizo Elite News hi ṭha i tihzawng a nih chuan min lo Follow dawn nia

Kardashian chhungkua ten Christmas card an phochhuak, chhungkaw kim in an inlan theilo

Entertainment huangchhung a chhungkaw lar ber tih ngam Kardashian chhungkua te chuan kumin Holiday ah an fans te hmuh chak leh an lo chan ngar ngar Christmas card chu an rawn tlangzarh ta.

Kim Kardashian chuan Zirtawpni chawhnu khan an chhungkaw thlalak hi a rawn share a, a fate 4 North (kum 8) Chicago (kum 3) Saint (kum 6) leh Psalm (kum 2) te nen an inlan kim thei. Kim Kardashian te nufa bakah Khloe, 37 leh a fanu True Thompson (kum 3), nu ber Kris Jenner, 66 leh Rob Kardashian fanu Dream Kardashian (kum 5) te an inlan tel bawk.

Kum in christmas card ah erawh kum dang an pha tlat lo a, Kardashian chi leh kuang te hi an vaiin an kim thei lo. Rob, Kendall Jenner, Kylie Jenner leh a fanu Stormi, (3) te leh Kourtney Kardashian leh a fate Mason, 12, Penelope, 9, Reign, 6 chu thlalak ah hian an tel ve ta lo a, eng vanga inlan ve lo nge an nih tih hi tarlan leh sawi ala awm lem lo.

Khawthlang ram ah hri thar Omicron variant nasa takin a hluar mek a, Kardashians te pawh hi an ruahman ang in an che chhuak thei lo. Christmas Eve party pawh an hmang hleithei lo a, 2019 a Kourtney Kardashian chenna in a Christmas Eve an hman kha Kardashian/Jenner chhungkua ten pangngai taka Party an neih tawp berna ani.

Los Angeles bik ah ringawt nimin piah khan Covid Case 8,633 a awm hman thu LA County Department of Public Health ten an puang. Center for Disease Control and Prevention in a record dan in America ah maktaduai 200 ten vaccine an la tawh a, hei hi US a cheng zawng zawng population atang 60 percent chauh ang ala ni.