Mizo Elite News hi ṭha i tihzawng a nih chuan min lo Follow dawn nia

Kanye West Nupui Hlui Kim Kardashian Leh Ariana Grande Bialpa Hlui Pete Davidson Te An Inkawp Ngei

Pan lovah Tho a fu ngai lo an ti a, hun leh ni liam chho zel in Kim Kardashian leh Pete Davidson te inkar chu a chiang ta e.

Rapper Kanye West nupui hlui Kim Kardashian leh Ariana Grande bialpa hlui Pete Davidson te chu October thla chawhnu atanga an inkar sawizawm an kai hnu ah khawthlang media lian Pagesix leh MailOnline te chuan an inngaihzawn ngei thu an nemnghet.

Kim K leh Pete te inkar nemngheh a nih rual hian an pahniha an thlalak chu an phochhuak tel nghal. Nilaini khan Palm Springs, California ah kut inkai dun riai chunga an chhuak lam chu hmuh an ni.

A landan atang pawh in kut inkai meuh a chhuak dun chu an inkar ah inzawmna tha tawpkhawk a awm ngei a ngai ang. MailOnline in a tarlan danin Kim leh Pete te hian momager Kris Jenner’s $12m mansion ah Pete Davidson piancham an lawm thu an sawi. Pete hian Kim K leh a nu Kris te nen Skims pyjamas in ang chiah an ha chhuak lai te pawh a post nghe nghe.

October 29 khan Knott’s Scary Farm, Southern California a an hun hmang hmuh an nih atang sawi an hlawh chho tawh a, “SNL” lamah an in muah zui zeuh bawk. Mahsela an pahnih ka atang an inkawp thu hi puang duh lovin ngawih an la chuh tlat.

Pete Davidson hi a hma in Ariana Grande leh Kate Beckinsale te alo date tawh a, Ariana Grande nen phei chuan inhualna hial an nei hman. Kim K hian February thla ah a pasal Kanye West thenna turin lehkha a thehlut a, Kanye West erawh in tunhnai khan Kim nen nupa an la nih reng thu leh inthenna lehkha engmah ala hmuh loh thu a sawi thung.