Mizo Elite News hi ṭha i tihzawng a nih chuan min lo Follow dawn nia

Kanye West nen inngaizawng a sawi an nih lai mekin Irina Shayk leh a kawppui hlui Bradley Cooper te chhungkua in

Kim Kardashian leh a pasal Kanye West te inthen thu a than hnu lawk ah khan Kanye West hi Model, Irina Shayk nen sawizawm an ni a, khawthlang ram chanchinbu lian tak tak te pawn an inkar ri ret ret hi an tarlang hman.

Mahsela Kanye leh Irina te inkar hi an sawi ang he hu in thil thleng a awm hauh lo in a lang ta riau. Thawhlehni khan Irina Shayk hi a fanu leh a kawppui hlui te nen hlim taka hmuh an ni leh ta tlat mai.

New York kawtthler ah Shayk hi a fanu duhtak kum 4 mi Lea De Seine bakah a fanu pa “A Star Is Born” actor leh director ni bawk Bradley Cooper te nen chhungkua in hun an hmang ho.

Chhungkua a an lenchhuah na ah hian an nalh tlang hlawm in mit an la leh pek hle a, an fanu Lea De Seine pawh in nuam a tiin a nui deuh sang reng mai. A pa in a headband te a lo vuah sak a, hmuh loh karin Seine hi a nula tawh viau.

Irina leh Cooper te hi kum 4 chhung zet an inkawp hnu ah 2019 khan an inkar an ti tawp a, amaherawh chu an fanu duat em em tan hian nu leh pa an nih angin an duty an hlen tha a, a duh leh mamawh ang a piang tihsak an hnial lo. Inthen tawh chung pawn nupa ang maiin hun an la hmang ho dial dial thei reng thung.