Mizo Elite News hi ṭha i tihzawng a nih chuan min lo Follow dawn nia

Kanye West nen hmuh an ni fo chungin Irina Shayk in a fanu pa Bradley Cooper a thlahthlam chuang lo

Hmangaihna hi khawthlang milar te hian Media te chhaih leh infiampui nan an hmang vel mai mai thin emaw tih hial tur a ni.

Russian Model chhelo Irina Shayk chu Reality star, Kim Kardashian pasal hlui Kanye West nen sawi an ni mek a, an thlalak te pawh hmuh tur a awm tawh. Heti chung hian a fa neihna pa ‘A Star Is Born’ actor, Bradley Cooper nen hmuh an la ni fan zel a, an ni pahnih inkara thil thleng la awm hi engchiah nge tih chu hriat theih la ni lo mahse an fanu vanga inhmu an nih loh vek pawn thian tha tak an ni zui a ni ngei ang.

Cooper leh Irina te hi tun Ningani khan New York khawpuiah an fanu Lea de Seine hruaiin chhungkua in an lengchhuak. Hmangaihna kawngah an nghet lo viau thin na in an fate tana an inpekna erawh a ropui hle thung si.

Chhungkua a an chhuah hma lawk in Irina Shayk hi France a Provence ah Kanye West nen romantic vacation an hmang hmuh an nia, TMZ pawh in an thlalak a tichhuak chuai chuai. Hemi hnu hian an inkara hmangaihna awm chu a langchhuak ta angah ngaih a ni zui bawk.

Irina leh Bradley te hi 2015 ah an inkawp tan a, 2019 khan an inthen. An fanu tan hian nu leh pa tha tak ni zawm zel mahse an mimal nun erawh chu a thiangzau hle a, an duh dan in kawng an zawh thei ve ve a ni.