Mizo Elite News hi ṭha i tihzawng a nih chuan min lo Follow dawn nia

Kanye West leh Kim Kardashian te inkarah buaina a chhuak, Social Media ah an inhnial

Hollywood nupa lar tak leh an inthen hnu thleng pawh a thawm nei reng te Rapper, Kanye West leh Reality star, Kim Kardashian te inkar chuan ziaawm lam a la pan thei lo a, Social Media kaltlangin an inchhuahchhal leh.

Kanye West chuan a nupui hlui Kim Kardashian chu a fate enkawl tha lo ah a puh. An fanu North West in a hriatpui leh phalna tel lova Tiktok a hman chungchang sawi in a remti lo tih hre renga Kim in a fanu Tiktok a khawih tir ah a lungawi lo tih a tarlang a. Kim leh North te video a post.

Kim Kardashian pawh a duai bik lo. A pasal hlui Ye hian an chhungkaw tan hlimna nilovin natna zawk a thlen a ti. Interview leh Social Media hmangin a bei reng a chu chu North in Tiktok siam ai pawn a tina zawk, an fate enkawl dun kawngah pawh Ye khawsa zia hian a tih harsat phah thu a sawi a. Amah chu a fate enkawl tu ber zawk a nih thu leh an hlimna chu a ngaihtuah thu a sawi bawk.

Hemi hnu ah Kanye West chuan an chhungkaw natna thlen tu a puh a nih vangin Kim Kardashian chu a rawn khak let ve leh hrep. An fanu kidnap tum ah a rawn puh leh a, an fanu kidnap a tum tih hi America cheng te pawn an hria a ti. Chicago’s fourth birthday party ah khan Kim hian address a pe duh lova, drugs khawiha a puh thu leh a lak atangin a fate lak hran phet a tum tlat zawk tiin a puang ani.

Kim Kardashian leh Kanye West te hi kum 7 zet an innei a, February 2021 khan Kim hian an inthenna tur hi a file a, an nupa inkar chu thawm that leh theih rual loh a ni tih a tarlang. Tunah chuan an pahnih hian kawng hran an zawh ve ve tawh a, Kim K hi SNL star Pete Davidson nen in date in Ye pawh ‘Uncut Gems’ actress Julia Fox nen an inzui ve mek bawk.