Mizo Elite News hi ṭha i tihzawng a nih chuan min lo Follow dawn nia

Kanye West leh Kim Kardashian te nupa inkara remna thlentu Justin Bieber

Kanye West leh a nupui Kim Kardashian te inkar ah buaina eng emaw a thleng a. Kanye West hian a nupui Kim Kardashian chu Twitter ah amah mai bakah a chhungkua te nen lam hmer tel in alo puh hmingchhe hle.

An nupa inkar ah hian Pop Star, Justin Bieber chu remna palai ah ṭang in Kanye West leh a nupui Kim Kardashian te inkarah inremna a awm theihna tura hma la tu ber a nih thu an sawi.

Kanye West hian a nupui Kim K hi bumtu ah puh in midang nena an chhuah dun thu te a sawi. A nupui nu Kris Jenner pawh a fate hmuh a phalsak tawh dawn lo a ti a, Kim K leh a nu te hian rilru lam chian lohna a nei tiin Lockup hial an tum tih ten Twitter ah an chhungkaw chungchang a phawrh chiam.

Kanye West hi Cody, Wyoming ah awm in a nupui leh a fate Los Angeles ah an awm thung. West hian Kim K hi a hmu duh lo a, a phone leh text pawh alo chhang duh lo a ni awm e.

July 24 khan “Sorry” singer, Justin Bieber hian West hi a awmna Cody, Wyoming ah a va tlawh. An thlalak te pawh post a ni. Justin hian West te nupa inkar a thil thleng ah remna thlen in a nupui nena inbe ṭha tur hian West hi a va hmin thu an sawi a, a hnu hian West hian a nupui phone leh text hi a chhang ve ta chauh an ti.

West leh Bieber te hi an inkawmngeih hle ṭhin a, a ṭhian ṭha tak mai nupa inkara inhmuhthiamlohna thleng chu a hmu thei bik lo te pawh a ni ang. West hian Twitter kaltlang vekin a nupui a tih mualpho na ah ngaihdam a dil leh chul a ni.

Kanye West hi US President thlanna tur vuak vet ah a ma tawk in a buai ve viau a, rally a hmachhawn hmasak bera insum zo lova a ṭap chhuak te khan boruak a siam nasa hle a nih kha.

Mirror