Mizo Elite News hi ṭha i tihzawng a nih chuan min lo Follow dawn nia

Kanye West leh Julia Fox te inkar a langchho zel, Kim Kardashian leh Pete Davidson te an inchhai mek bawk

He rapper leh fashion designer ni bawk hian a duh a nih phawt chuan hmeichhe lam na na na zawng a hmu zo ve tawk em.

A nupui Kim Kardashian nen an inthen hnu ah hmeichhe dang dang nen dembel an nih hnuin tunhnaia a serious pui leh hun a hmanpui tam ber Actress, Julia Fox nen an inkar a rawn langchhuak chho zel.

Hmanni lawka Miami a zanriah an kil dun hnu ah Thawhlehni khan NYC a Carbone ah an inzui hmuh dun leh an ni ta. Page Six te phei chuan Kanye leh Julia Fox te inkar hi official tak a sawitheih a ni tawh e an ti.

Page Six te tarlan dan chuan Kanye West hian Miami leh New York a Julia Fox nen hun an hmanna ah an che tla vel thla la turin photographer a hruai tel thlap. Hei hi a Project hmachhawp tur atan ti a nih thu an puang a, West hian upcoming docuseries, “jeen-yuhs: A Kanye Trilogy,” a nei mek a, Netflix lama chhuah tur ani. Hetah hian a dating footage vel tunhma a la hmuh ngai loh te pawh a tel nuk dawn tih an sawi.Hun an hman zawh hnu ah pawh kal hrang mai lovin Julia Fox hi Kanye West hotel ah a let tel ve.

Kanye leh Julia Fox ten hun an hman dun mek laiin Kanye nupui hlui Kim Kardashian pawh a bialpa thar “Saturday Night Live” comedian, Pete Davidson nen Bahamas ah vacation hmangin an lo hlim ve hle bawk.

Midang ve ve nen hmuh an nih tak fo si ah chuan Kanye leh Kim K te hi a hma ang khan nupa an nih leh theih a rinawm ta loh. Nupa an nih chhungin fa 4 lai North, 8, Saint, 6, Chicago, 3 leh Psalm, 2 te an nei hman ani.