Mizo Elite News hi ṭha i tihzawng a nih chuan min lo Follow dawn nia

Kanye West leh Irina Shayk te thla 2 vel an inkawp hnuah an inthen

Kum 44 a upa musician, Kanye West leh Russian Model, Irina Shayk te chu thla 2 zenzawn inkawp ang a sawi an kai hnu ah an inthen fel thu an puang ta.

Kanye leh Irina te inkawp dan hi midangte beisei leh duhthusam ang pawh ala thlen hma hauh a an inthen thu hriat a ni zui leh si hian fans te mak tih pawh a hlawh zui hle nghe nghe.

E!News te tarlan danin Kanye West hi a album thar Donda buaipuiin a ma tawk ah a buai thawkhat hle. People te chu an inthen thu puang hmasa ber tu an ni a, “Kanye leh Shayk te inkarah hian han tek deuh chhuai ang chi a awm lo” tiin Source in a hrilh a, ngaihzawng nei turin Yeezy designer hian hun a nei lo. A fate kiangah a hun tam zawk hman a duh thin an ti.

Kanye West hi a nupui Reality star, Kim Kardashian nen an inthen hnu ah Irina Shayk nen hian sawizawm nghal an ni. June thla a French a trip neia an zin dun hmuh an nih atang phei kha chuan Media hrang hrang in Secret dating an neih thu hi an tarlang.Fourth of July US lawm tlang anga sawi an ni bawk.

Kanye West nen an nih hma in Russian model hi Hollywood actor Bradley Cooper, 46 nen 2019 thleng an innei. Kim Kardashian hian kum 7 an inneih hnu in kumin March khan a pasal Kanye thenna tur hi a lo file a ni.