Mizo Elite News hi ṭha i tihzawng a nih chuan min lo Follow dawn nia

Kanye West leh Irina Shayk te inkawp thu sawi rik a awm mek

Rapper kum 43 a upa Kanye West chu a nupui Reality Star, Kim Kardashian nen an inthen hnu ah hmeichhe thar nen sawizawm a hlawh leh der tawh a, Kanye nena an sawizawm hi tudang nilovin Russian supermodel, Irina Shayk, 35 a ni.

Kanye leh Shayk te inkar a hmangaihna meipui alh chiang lo tak tarlang tu hi US gossip site DeuxMoi te an ni a,tipster in celebrity fan Instagram account ah “Kanye West hian a ruk thei ang berin Irina Shayk a.k.a Bradley Cooper naute nu nen an in date mek” tiin huai takin an tarlang.

Comment na lamah Kanye leh Irina Shayk te inngaihzawn thu hi a tak tak a ni em chu ka hrelo a, mahsela eng emaw thil tek chhuai chu a awm ve deuh a ni maithei an ti.

Hman atang tawh in an inkar a sawi ret ret hi chu alo awm tawh thin a, 2010 khan Irina hi Kanye music video “Power” ah model ah a tang. Tin, music video tihchhuah atanga kum 2 hnu 2012 a Paris Fashion Week ah khan Kanye’s Fall/Winter fashion collection ah Irina Shayk hi a lo runway zan tawh bawk a ni.

Thla hmasa mai khan Irina hian fashion house Balenciaga tana Kanye Tshirt design $200 DMX tribute T-shirt chu a fanu Lea nen New York khawlaia an len tum in alo ha chhuak bawk. Heng thil thleng zawng zawng te atang hian celebrity expert te hian rindan an lo nei thiam nghal.

Irina leh A Star Is Born actor Bradley, 45 te kum 4 an inkawp hnu ah June 2019 khan an inthen a, Bradley nen an intawn hma hian athlete Cristiano Ronaldo chu thawm lian tak alo neihpui tawh. Heng bakah Heidi Klum’s ex, art dealer Vito Schnabel, 34 nen sawizawm an ni fo a, New York ah pawh vawitam an chhuak hmuh an ni.

Kanye West hi 2014 khan Kim Kardashian nen an innei a,KUWTK star hian February thla khan Kanye West thenna tur hi a thehlut. Kanye West hian an inthen boruak lai hian bipolar disorder a nei tih sawi a awm bawk. Kim nen an inneih chhungin fa 4 North, 7, Saint, 5, Chicago, 3, leh Psalm, 2 te an nei hman.

Celebrity News ten Kanye leh Irina te inkar an tarlan hi a dik leh dik loh chu hriat a ni vat tur ah ngai ang.