Mizo Elite News hi ṭha i tihzawng a nih chuan min lo Follow dawn nia

Kanye West hla thar a Kim K bialpa hming Pete Davidson langah Pete Davidson ṭantu an tam zawk

Kanye West hian a nupui hlui Kim Kardashian leh Pete Davidson te inchhai kual vel hi chiang taka hria in a pawm tawh tih a hriat theih. January 14 khan ‘Saturday Night Live’ star hi Social Media platform ah trending hlawh ber a rawn ni hial. Social Media a luah hneh chhan hi a bialnu Reality Star nen kuta an inkaih vang mai mai a ni ta lo, a bialnu pasal hlui Kanye West hla thar ah a hming lamrik a nih vang zawk ani.

Kanye West hian The Game nen hla thar ‘Eazy’ a tichhuak a, he hla ah hian Kanye West chuan a hringnun kawng zawh bum boh leh hahthlak tak te a puanchhuahna hla a ni ber e.

‘Eazy’ ah hian Kanye hian Pete Davidson hming chu mawi lo takin a chham chhuak a. “God saved me from that crash just so I can beat Pete Davidson’s ass,” alo ti. Heti lai hla thu hi lo ngaithlatu te chuan an lo hriat hmaih lo viau ani.

Pete Davidson bakah a nupui hlui Kim K nen an inthenna chungchang chu “If we go to court, we’ll go to court together. Matter of fact, pick up your sis, we’ll go to court together,” tiin a rap bawk a, a fate North, Saint, Chicago leh Psalm hnaih thei ang bera awm a enkawl a duh thu te pawh he hla ah hian Kanye an tarlangin “I got love for the nannies, but real family is better. The cameras watch the kids, y’all stop takin’ the credit,” leh “Non-custodial dad, I bought the house next door. What you think the point of really bein’ rich for.” tiin hla thu a dah.

Kim Kardashian chenna in hnaih lawka in a lei chhan pawh a rawn chiang ta hle. “Eazy” hla thu a Pete Davidson hming langah hian Social Media ah Pete Davidson chuan ṭantu a ngah zawk. “Pete chungchang i rap a, mahse Pete zawk hi hnehna changtu a ni tho tho” an ti. Thenkhat chuan Pete hian a nupui hlui Kim K chang a laksak lo a, Kanye hla thu ah a hming a lan atang hian chak zawk chu a hriat an ti bawk.

An inkar pathum boruak rik hut hut mek lai hian Kanye hian Pete Davidson hi thik thei a ni biklo. Kanye hi Julia Fox nen inkawp mek anga tarlan a ni a, Julia Fox nen hian December 2021 atang khan sawi an kai tawh. January thla a TMZ in an chhuah ah Kim K chuan Ye chu hlim takin awm se a duh tih an chhuah a, Fox hi Skims tan model ni thin in Keeping Up With the Kardashians “die-hard,” fans an ti bawk.