Mizo Elite News hi ṭha i tihzawng a nih chuan min lo Follow dawn nia

Kanye West Hausakna A Pungchho Zel, United State A Mihang Zing Ah A Hausa Ber

Kanye West hi nikum khan mi hausa zual Billionaire ah a hming a lang tawh a, Forbes chanchinbu ngei pawh khing let in, a hausakna chu a thehluh ai tlem daihin an puansak tiin “Forbes hian thil chhut dan in thiam tak tak lo” a ti.

Khatih lai khan rin loh viau ni mahse Kanye West hi lo ngaihnep ngawt chi reng a lo ni hauh lo. A insawi hausak ang ngeiin sum leh pai ah a buai lo hle a, a hausakna a pung zawngin a kal chho zel a ni.

He Musician leh Fashion Designer ni bawk hi Bloomberg te tarlan dan in a hausakna hi tunah $6.6Billion zet a ni tawh. Billionaire a ni nawn awn awn tawh zawk. United State a mihang zinga hausa ber a ni.

Kanye West hian a sum tam zawk hi a Yeezy brand atang a lakluh a ni tlangpui a, a pheikhawk Yeezy sneaker leh Adidas te an thawk dun mek. A clothing line leh Gap an thawhdunna nen a hlutna belhkhawm hi $3.2 billion atang $4.7 billion inkar vel anga chhutsak a ni.

Heng te bakah hian a music catalog atang $110 million a nei a, Music hi chu atan chuan a ve lek chauh. cash leh stock ah $122 million a hum ran. $1.7 billion lai thil dangah invest nan a hmang a, a invest na langsar ah hian a nupui hlui tia sawi theih tawh Kim Kardashian’s Skims shapewear line a tel nghe nghe bawk.

Gap leh West te hian kum 10 chhung thawkdun turin inremna an siam fel tawh a,Adidas lam te pawh in an Sneaker siamchhuah hralh a kal em avang in West nen a thawh ho zel an rem ti. Hei vang hian West hausakna hian hniam lam chu ala pan mai mai hmel loh.

Nikum April khan milar sum chet vel dan thlithlai tu pawl Forbes chanchinbu in $1.3 Billion nei anga puangin Billionaire List ah an dah. Amaherawhchu West hian Forbes ten an ngai rethei mah mah tiin a lungawilo a, an tarlan sak aia tam daih a neih thu sawiin alo vui nuah nuah a ni.