Mizo Elite News hi ṭha i tihzawng a nih chuan min lo Follow dawn nia

Kanye West chuan a nupui hlui Kim Kardashian bialpa Pete Davidson an natna tihbaiawm tak a vei tih a sawi

Mize mak tak leh danglam tak a neih vang in mitam takin Kanye West hi an hmuh dan a phir fo thin a. A nupui hlui Kim Kardashian leh a bialpa thar te hlim taka an awm dun hi a hmu thei ngang lo a nih hmel viau bawk.

Kanye West chuan a nupui then tak Kim Kardashian bialpa thar “Saturday Night Live” star Pete Davidson chungchang mak tak a sawi tih hriat ani. Celebrity News site rintlak tak TMZ te tarlan danin Ye hian Pete Davidson chu natna tihbaiawm tak AIDS a vei mek a, amah hi gay tiin a sawi bawk niin an puang.

Pete Davidson an AIDS a vei tih hi Ye chuan a thian hnai te a lo hrilh a, DJ Akademiks pawh in he thu hi thu diktak a nih ngei thu a sawi bawk. Pete hian hemi chungchang ah hian call ah zawhna tam tak a dawng a, a thian hnai tak te chuan Kanye chetdan chu thing an ti hle a, hriselna lam chungchang khera Pete puhchhiat a tum hi an lawm vak lo an ti.

Hetih lai hian Kanye West te lam erawh an pha thung. Ye hian a publication te hnen ah Pete Davidson an AIDS a vei tih sawi anga an puh hi thil ho leh awmze neilo lutuk a ni e a tih thu an sawi.

Pete Davidson hi Kim Kardashian nen an inkawp tak chin ah Kanye West nen hian an in mil lo hle tih chu hai theih rual a nilo a. Hmanni deuh a hla thar a tihchhuah “Eazy,” ah Pete chungchang mawilo taka chham in “God saved me from that crash, just so I can beat Pete Davidson’s ass” tiin hla thu a dah.

Pete leh Kim K te hi nikum October thla atang khan an inkawp tan a, Kim in Ye thenna tur a thehluh atang a kum chanve zet a liam hnu ah langsar takin an rawn inzui chho ve nghal. Ye hian a fate nu Kim K hi ala then loh thu sawichhuak fo mahse a kiangah a ko kir zo tawh lo. Ye hi tunah chuan Actress, Julia Fox nen nghet takin an inzui tan ve mek bawk ani.