Mizo Elite News hi ṭha i tihzawng a nih chuan min lo Follow dawn nia

Kanye West An President A Chuhna Turah Caitlyn Jenner In Kanye Vice President Nih Tum

Rapper & Billionaire, Kanye West hian fiamthu a thawh mai mai lo a, alo puan tawh angin President thlanna neih turah hian chuh ve a tum ta ngei.

President a chuhna tur kawng ah hian ṭantu leh seltu tam tak a nei. A nupui Kim Kardashian pahrawn ni ṭhin tuna hmeichhia a inlet ta Caitlyn Jenner pawh hi West ṭantu a ni.

He transgender lar tak Caitlyn Jenner hian Kanye President chuhna turah hian Kanye Vice President nih a duh leh tum thu a sawichhuak.

Kum 70 a upa Caitlyn chuan Vice President hi chuh tura a ruahman ve leh thu TMZ a lo hrilh a. “A vice president ka ni thei dawn em tih Kanye hnenah hian text ka thawn diam tawh” a ti.

Kanye West hian November 2020 Presidential election lo awm turah hian chuh ngei tumin BYP (Birthday Party) chu a din a, Independent in a chuh ang. Caitlyn hi a nupui Kim Kardashian te pahrawn a ni ṭhin. Kim K nu Kris Jenner leh Caitlyn te hi an lo innei reng tawh (Caitlyn hmeichhia a inthlakdanglam hma khan). Kendall leh Kylie Jenner te hi Caitlyn Jenner fate an ni. An chi leh kuang te hi thil an ti thei bawk a, eng emaw mak danglam tak pawh a thleng chho mai thei a ni.

Mirror