Mizo Elite News hi ṭha i tihzawng a nih chuan min lo Follow dawn nia

Kanye West an dan ang takin a hming a thlak danglam

A chetdan mak leh uchuak thin tak vanga chanchin ngah thei em em rapper, producer leh fashion designer ni bawk Kanye West chuan a hming pangngai chu thlak danglam turin Court ah dilna a thlen a, tunah chuan Kanye West a ni tawh lo.

Thawhtanni khan Los Angeles judge chuan Kanye hming thlak dilna hi a pawmsak a, Kanye Omari West ni tawh lovin ‘Ye’ tih a ni tawh zawk dawn a ni.

“Engmah hnial theihna ka nei lo a, a hming a thlak danglam hi phalsak a ni e” tiin Judge Michelle Williams Court chuan thutlukna a siam. Kanye West hian a hming thlak danglam hi August 24 khan a lo dil.

Engvanga a hming hi thlak duh nge a ni tih chiang takin sawilang lo mahse mimal thil vang niin a sawi. Hun rei tak atang tawh in Social Media lam ah Ye tiin alo in dah tawh a,2018 a tweet a siam ah “Kanye West tia hriat ka ni thin a, mahse a nihna takah chuan YE ka ni” a ti.

Tin, album 2018 ah thleng pawh a hmang a,a ma sawidan chuan Ye hi Bible lam a hman a nih thu a sawi. A nupui hlui Kim Kardashian West hian an inneih lai khan a pasal hming hi a tawm a, February thla a an inthen khan a hming erawh a thlak ve lem lo. Kim leh Kanye te hi an inneih chhung in fa 4 an nei hman.