Mizo Elite News hi ṭha i tihzawng a nih chuan min lo Follow dawn nia

Kanye West an a nupui Kim Kardashian Instagram ah a Unfollow ta hmak

Social Media hian milar te inkar thil thleng a hril thui viau thin. Rapper, Kanye West chuan a nupui hlui tia sawi theih tawh Reality star, Kim Kardashian chu a Instagram atang a Unfollow ta hmak mai.

Kanye leh Kim te hian hman deuh atang khan an nupa karah sep sep an nei tan. Kanye West an hetia a Unfollow hmak dan ah hian an nupa kar chu a tawp tih a tihchian hmel viau. Kim K hian kum in February thla khan a pasal thenna tur hi a thehlut a, Kim in inthenna a thehluh atang thla 6 hnu ah Kanye West hian a Social Media atangin a thianfai ve chauh a ni.

Kanye West hi mi danglam leh che maksak thei tak a ni tih chu a khawsa zia atang a hriat thin. A nupui te chhungkaw chungchang mualpho takin a lo tlangau pui tawh. Heti chung hian a nupui Kim Kardashian hian a pasal thlavang hauhin a thup mawi zel zawk a, rilru lama harsatna a tawh thu in chhuanlam a siam hial a ni.

An inthen chhan erawh Kardashian chhungkaw chungchang thil a puanchhuah vang kha a ni vek bik lo thei. A chhan chu Kanye hian 2016 a Saint Pablo tour a neih ah a nupui Kim K phatsan in hmeichhe dang lakah a bum tih hriatchhuah a ni.

Kanye pawhin a thil tih hi a phalo khawp mai. A album thar ber Donda a track ‘Hurricane’ hla thu kaltlangin a puang. Insider te chuan Kanye an Kim a lo bum hi zep leh tur chuang a awmlo an ti. He thil hi an fapa Saint pian hnu a mi a ni. Saint Pablo tour hi August 25, 2016 atang November 19, 2016 thleng neih a nia, a album 7 na ‘The Life of Pablo’ promote na a ni.

Tunah hian Kanye hian Instagram ah account 14 chiah a Follow tawh. A follow zingah podcaster Justin Laboy,producer Fonz Bentley leh clothing brand Fashion Nova te an tel. June thla ah Kim leh a unau Kourtney leh Khloe te pawh Twitter ah a unfollow a, hei hi Irina Shayk nen an inkar thuthang vantlang hma a hriat a nih hnu mai khan a ni nghe nghe.

Social Media a an inzawmna ang te chhutchah a nih vek takah chuan fans ten Kim leh Kanye te nupa hi inthen hlen an tum tak tak ni in an ngai nghet hmiah a. Amaherawh chu thla hmasa mai khan Donda listening party ah Kim K hi mo kawr nen Stage ah a inlan. An nupa inkar chungchang ringawt pawh hi Media te chaw tui ber a tling pha hial a ni.