Mizo Elite News hi ṭha i tihzawng a nih chuan min lo Follow dawn nia

Kannada Actress Pakhat Chu A Unaupa Rawng Taka Thah Thubuai In An Man

Indian Express in a tarlan dan in Kannada Actress Shanaya Katwe chu a unaupa thah thubuaia inhnamhnawih a puh a nih vangin Hubballi Rural police in an man.

Thulakna in a sawi dan in Shanaya Katwe unaupa Rakesh Katwe hi April 9 khan thah a ni a,a lu an tanchhum sak. A lu bung hi Devaragudihal ramhnuai ah an hmu a, a taksa bung thenkhat te hi Gadag Road leh Hubballi chheh vel ah paih a ni bawk.

Dharwad district police ten tualthattu nia rinhlelh te Niyazahemed Katigar, Tousif Channapur, Altaf Mulla leh Aman Giraniwale an man tawh tih an puang.

Chhuichianna neiha a landan in Rakesh thihna ah hian a unaunu lemchanthiam Shanaya hi a inhnamhnawih ngei a ni tih hriat a ni. Tualthattu zinga sawi Niyazahemed Katigar nen hian hmangaihna khurah tla in mahsela a unaupa Rakesh hian an inkawp chu a duhpui lo hle.

Hetia an inkara a tlak zeh tlat vang hian Shanaya leh Niyazahemed Katigar te hi inthurual in midang te nen a tihhlum dan tur hi an ngaihtuah ta a ni.

Inthahna thlen lai hian Shanaya hi Hubballi ah a film thar promote in a buai hle bawk. Rakesh hi rehhlum a nih hnu ah a taksa te chu chandarh/chansawm a ni. Ningani khan a unaupa thihna avang in Shanaya hi an man a judicial custody ah an hruai nghal. Amah hi Kannada industry ah acting lam in hming a chher viau.