Mizo Elite News hi ṭha i tihzawng a nih chuan min lo Follow dawn nia

Kangana Ranaut Pawh Hi A Fihlim Lo Tiin Maharashtra BJP Minister In Chhui Ve Turin A Phut

Kangana Ranaut hian tunlai Bollywood buaina ah hian thu tam tak a lo sawi tawh a, haw zui tu tam tak a tawk nual tawh bawk. Heti chung in huaisen takin auchhuah zawm zel a la tum tih a sawi.

SSR thihna case kal kualna aṭang ruihhlo leh damdawi ah a kual lut leh tawh a, Bollywood hi chhungril lamah a lo tawp ru hle tih a langchhuak chho zel.

Rhea Chakraborty chu man a ni tawh a, milar dang tam tam a kang kai nasa bawk. Kangana ngei pawh hian ruihhlo leh damdawi ah hian a famkim loh thu leh a addict thu a sawi a. A huaisen lutuk na lamah tawngkam a chhep sual ta zeuh em ni dawn ni amah haw tu ten addict a inpuanna chu amah beih zui nan an hman phah.

Maharashtra BJP leader Pravin Darekar chuan Kangana in addict a ni tih a puan khan enliam mai a ni chu a lungawilo hle tih a sawi. NCB te chuan an hna thawk famkim turin a phut a, hleih leh enkan nei biklo turin a ti.

“Kangana in ruihhlo/damdawi addict a ni tih a sawi tawh. NCB te hian chhui ve rawh se. Kan ram ah hian dan chu dan a ni a, a intluktlang tur a ni dawn lawm ni. Tumah en kan bik nei suh se.” tiin thutharlakhawm tu te hnen ah a sawi.

NCB te hian he ruihhlo leh damdawi khawih chungchang case ah hian Deepika Padukone, Shraddha Kapoor, Sara Ali Khan leh Rakul Preet Singh te chu thu zawhfiah turin an ko bawk.

Congress politician Nagma lam pawh Kangana laka NCB te che chhuak tha duh lo chu an lung nilo hle. Kangana hian video a phochhuah ah film star lar a nih hnu in hun eng emaw laia drug addict a ni tih a inpuang a, he a thusawi hi a lar zui chak hle nghe nghe.

IT