Mizo Elite News hi ṭha i tihzawng a nih chuan min lo Follow dawn nia

Kangana A Duailo, A Office Chhe Tawh Cheiin Shiv Sena Leader Dussehra Chibai A Buk Leh Hmak

Bollywood star, Kangana Ranaut chu mi lian pui pui ten zim a an vau zui hial hnu ah pawh a huaisen zia a la ti lang zel a, vau zam mai mai nih a duh der lo.

A mah beitu te khen dan lah a thiam ropui mai bawk si a. Bollywood star zingah venhimna sang leh ngaihhlut pek an ni nen mi thiltithei tak tak te pawn an khap hleithei lo chu a nih hi.

Pathianni khan Kangana hian Twitter ah Dussehra pualin post a rawn siam. BMC ten a office an tihchhiat tak chu chei thar lehin thlalak a dah a, Caption ah chuan Shiv Sena leader Sanjay Raut chu ngeiawm zet in Dussehra chibai a buk zui leh sak.

Kangana Office hi Bandra a mi niin September khan BMC ten dan lo anga sak tiin an nawrchhiat sak. Hei vang hian High Court hial an thlen phah a ni.

Kangana in Mumbai POK tia a koh vang khan Mumbai lam thuneitu sang an thinrim hle. Shiv Sena leader phei chuan ngaihdam dil tur leh Maharashtra leilung rap tawh lo hial turin a hriattir a ni.

Tunhnai khan celebratory warrior Rani Laxmibai nen te Kangana hi a lo in tehkhin. A unaunu Rangoli Chandel nen an lakah thubuai siam in FIR register a ni leh bawk.