Mizo nih an ti nuam khawp mai. Video hi a rawn viral hnu atang zoram mipuite bengkhawn an hlawh nghal hle a, WhatsApp Group leh Status te an luahkhat hneh hle a ni.
Video a mite hi Aizawl khawpui Dawrpui Veng a Sanitizing Team te an ni a, Aizawl veng lunlai a nih vang in Positive awmna ah kal in an awmna leh in pawn lam te an sanitize sak thin a ni.
Hetia an hna an thawh lai hian hah leh chauh pawh sawi lovin midang te tihhlim nan hlim tak in lam an lo thai a nih hi. Mahni in lum ah pawh tawm thei lo a midang tana inpe tu te hi zahna chibai buk an va phu teh reng em.
An lam lai video hi kan CM zahawm tak Pu Zoramthanga ngei pawh in a rawn phochhuak a, Video Caption ah a chhuanzia a rawn tarlang ve bawk.
COVID-19 thawh hnihna kan do mek lai hian Mizoram leh Mizo Hnam kan vanneih bikzia hi kawng hrang hrangin a lo langchhuak leh ṭhin.
COVID-19 hrikin a luhchilhna hmun tifaia che chhuak, Disinfectant Squad te pawhin COVID-19 in a tihbuai chhungkua te rilru tihzangkhai nan leh tihhlim nan lam an thai e.
Optimism is a blessing..
Hoping for a better tomorrow…
Take care everyone #MizoramagainstCovid pic.twitter.com/6iqSxqLSaU— Zoramthanga (@ZoramthangaCM) May 9, 2021
Hripuiin kan nun a tihngui lai leh phurrit kan phurh te chhawk zangkhai tura che chhuakte hmel leh che vel hmuh hi a nuamin a hahdamthlak a, dinhmun harsa leh khirhkhan taka kan awm lai pawha kan inpumkhatna leh inngaihsak tawnna te hi a hlu em em a ni.
Hripui kan do hneh ngei theih nan a eng zawngin rilru pu tlat ila, a hmatawnga thawktute tha tichak turin infuihthar sauh sauh zel ang u.