Mizo Elite News hi ṭha i tihzawng a nih chuan min lo Follow dawn nia

Kabul Airport Ah Pa Chuan A Fa Chu US Troops Hnenah A Hlanchhawng Lai Video A Lar Hle

Hmanni lawk ah Afghan nu ten an fa duat tak tak te chu Taliban suaksual te dan khirh tak an zamna hnuaia seilen tir phal lovin British sipai te hnen ah nun ralmuang zawk an neih theih nan barbed wire kara an inhlanchhawng lai pholan alo ni tawh a, khawvel pawh a barakhaih hle a, mittui a ko chhuak thei hial. Afghan mipuite tawrhna chu hmuh hrehawm tak a ni.

Tunah Kabul a Hamid Karzai International Airport ah pa pakhat chuan a fa, kum khat bawr vel pawh a la ni dawn em ni tih theih tur chu US Marine hnen ah a hlan lai video chu a rawn lar leh hle.

Mi tam tak in video a Pa in razor-wire chunga a fa duat em em US security personnel te hnena a hlan hi an ngaihven a. Naute chungah hian eng thil nge thleng tih leh a pa nen hian an inhmu leh dawn em tih zawhna a tam.

Department of Defense te chuan video viral chu an sawifiah nghal vat. Naute hi khawi ah mah hruai a nilo a, enkawl a medical care a mamawh vang a nih thu an puang. “Naute hi check up a ngai a, medical professionals ten an enkawl hnu ah a pa nen hian airport ah dam takin an inhmu leh” tiin Major James Stenger chuan email in New York Times a hrilh.

Taliban ten Afghanistan an awp atang Kabul Airport boruak chuan ziaawm lam a la pan hleithei lo a. Mitam tak an ram chhuahsan tum in an inhawrkhawm tuau tuau hlawm. official Pentagon in thlalak a dahchhuah ah Airport pawn ah mipui sang chuang te chu militant group thuneihna hnuaia khawsak duh lova an ram chhuahsan tumin an la bei tang tang.