Mizo Elite News hi ṭha i tihzawng a nih chuan min lo Follow dawn nia

Kabul A US Marine Thi Ta Nupui Khan Fa A Nei Ta, Naute Erawh In A Pa A Hmu Hman Ta Lo

August 26 a Kabul suicide bomb a nunna chan zinga mi US sipai Rylee McCollum, 20 hian a nupui raipuar lai mek a kalsan a ni. ISIS-K blast vangin a nupui hi damchhunga thinlung natna a siam sak tawh a ni.

Rylee McCollum nupui Jiennah ‘Gigi’ Crayton chuan fanu duhawm tak a hring ta a, a hming atan a pa hming chawiin Levi Rylee Rose tia sak a ni. Levi hi a pian hian 8 pounds leh 10 ounces a rit a ni.

Jiennah ‘Gigi’ Crayton hian a fanu a pawm lai thlalak chu a phochhuak a, mite mittui a tih tlaksak nasa. ‘Hold onto your mama / She’s needing you right now / Your daddy / He’s watching over you’ tiin thu lungchhiatthlak a hnuchhiah tel.

A pasal in a boral san khan nau hring mai thei dinhmun ah a awm tawh. Rylee McCollum hi Afghanistan te hruaichhuah hna thawk tur zinga thawn a nia mahse vanduai zingah a tang ta thung a ni.

An fanu Levi hi a boral atang chawlhkar 3 vel ah chiah a piang. Fa hmel hmuh thuai beiseina nen hmalam hun thlir chunga a inbuatsaih ruk ve lai meka a chunga vanduaina a tawk ta mai hi a khawngaihthlak tak zet.

US Marine Corps a zawm hma lawk 2019 khan Wyoming a Jackson Hole High School atang a graduat. A nupui Gigi nen an inneihna pawh a la reilo a, kum in February mai khan an innei ve deuh chauh a ni.