Mizo Elite News hi ṭha i tihzawng a nih chuan min lo Follow dawn nia

Ka Tihnat Che Avangin Ka Tihpalh Kim – Kanye West

Kanye West hian tunhnai khan a nupui leh a chhungkua Kardashian chi leh kuang te chu a ti mualpho hle a, misual leh rilru chhe tak pu ang ten Twitter ah a rawn puh chiam mai.

Rally a hmachhawn hmasak ber ah khan mittui tla pur chungin thu a sawi a, nau tih tlak a ṭhat loh zia a sawi ṭumin an fanu North chu an tih tlak ṭep thu leh amah ngei pawh a pa in tihtlak a tum thu alo sawichhuak.

Hemi hnu hian Twitter lam ah thu tam tak a tarlang zui a. A nupui chu bum tu ah puh in inṭhen a duh thu te a tweet. Hei bakah Kim Kardashian hringtunu, a pi zawn ni bawk Kris Jenner chu a fate hnaih a awm tawh lo tura a duh thu a sawi bakah anni ho hian rilru lam doctor te hnena lockup an tum thu te pawh a ziak lang.

Kim Kardashian pawn a pasal in an chhungkua nasa taka a sawi chungchang ah a pasal West chu Bipolar disorder a tuar a ti.

Kim Kardashian a ṭawng hnu ah West hi a lang zui ve leh a. A nupui Kim Kardashian hnen ah a diriamna te avangin pawi ti takin ngaihdam a dil leh. Vantlang hriata mimal thil tak tak a tarlan vangin pawi a ti a. “Ka nupui hnen ah hian ngaihdam dil ka duh, private thil tak tak public a ka sawi vangin. Ka tihnat che a vangin min ngaidam rawh Kim. Ka tan a i awm reng ṭhin vangin ka lawm e” tiin a nupui hnen ah thupha a chawi.

Kanye West hi US President chuh tur a ni a, midang te ngaihven turin an chhungkaw chungchang hi vantlang hriat ah boruak siam nan sawi a duh hrim hrim nge a nupui Kim K in Bipolar disorder a tih ang hian a sawi sual palh zawk tih pawh hriatthiam a har riau.

Us Magazine