Mizo Elite News hi ṭha i tihzawng a nih chuan min lo Follow dawn nia

Ka thusawi hi a finfiahna ka neilo emaw a diklo a nih chuan Padma Shri ka dawn hi ka phu lo tihna – Kangana Ranaut

Sushant Singh Rajput thihna chungchang kal zel ah Bollywood Actress huaisen Kangana Ranaut chu tlawm mai ala tum lo. Theihtawp in ala ṭawngchhuak zel.

Republic TV nena Interview an neihah chuan Kangana hian Bollywood’s ‘suicide gang’ chu a rawn sawichhuak a, Bollywood milar lawk zual te chu an hming mal in a rawn lam chhuak leh diat diat.

Aditya Chopra, Karan Johar leh Mahesh Bhatt te chu Sushant Singh Rajput thihna ah hian thu zawtfiah a koh an ni lo a, Kangana hian heng mite hi Mumbai Police te hian thu zawtfiah ve ngei rawh se a ti meuh mai.

“Ka thusawi te hi a diklo emaw finfiahna ka nei lo a nih chuan Government hnen a chawimawina Padma Shri ka dawn pawh hi ka pe let ang. He chawimawina hi ka phu lo ah ka inngai ang” tih hial in a sawi.

Mumbai Police ten an koh khan Manali a awm lai a ni a, a statement la tura midang an tirh theih thu a sawi pawn engmah thudang a dawng zui tawh lo a ti bawk.

Sushant Rajput hi June 14 khan a boral a. A intihhlumna ah thil diklo leh inthup awm a rinna a awm vangin CBI inquiry demand a ni. Mumbai Police pawn mi 35 lai thu an zawtfiah. Maharashtra Home Minister Anil Deshmukh chuan CBI enthlithlai hi a lo hnar a Mumbai Police te pawh he Case hi tawptir turin a lo ti nia sawi a ni.

Tun thleng in Sushant thihna ah hian lungawina famkim hmuh ala ni hleithei lo.

India.com