Mizo Elite News hi ṭha i tihzawng a nih chuan min lo Follow dawn nia

‘Ka Nupui Nunna Min Chhan Sak Avangin Ka Lawm E’ Tiin Pa Pakhat Chuan Lehkhaziak Kengin Emergency Room Tukverh Chhanah Lawmthu A Sawi

New Jersey ah chuan kum upa tawh lam pa pakhat chuan Emergency Room tukverh chhan ah lehkha a thuziak kengin darthlalang chhan aṭang Staff te hnen ah lawmthu a sawi.

He pa hi a hming leh tu nge a nih tih erawh hriat a nilo. ER, Morristown Medical Center pawn ah chuan lehkha a “Emergency a thawk zawng zawng te chungah ka nupui nunna min chhan sak avangin ka lawm e. Ka hmangaih vek che u” tih inziak chu darthlalang chhan ah Staff te hmuh turin mittui nen a lo keng a ni.

A nupui hi coronavirus vanga dam lo nge ni a natna dang vang zawka enkawl a nih tih pawh sawilan a nilo.

Emergency Room a nurse pakhat chuan a thla hi a lo la a, Shay Vander Vliet tia in dah in Facebook a post a siam hnu chuan a lar zui ta hle a, mitam tak thinlung a hneh hle a ni.

Shay Vander Vliet chuan a unaunu Morristown Medical Center a emergency department a thawk chuan a thawn thu a sawi a, he thlalak rilru khawih tak hian mitam tak hmuh a phu a ni tiin a phochhuak.

DM