Mizo Elite News hi ṭha i tihzawng a nih chuan min lo Follow dawn nia

Ka kum zat dik tak an hriat hma in mipa ten chhuahpui ah min sawm fo thin

Kum te hi chu number mai mai ani tiin thenkhat chuan an lo sawi thin. He hmeichhia pawh hi a pawn lam landan atang ringawt a thlir chuan kum upa zawk zawk tia sawi chi a nih hmel loh a, mahsela rinloh tak thil amah ah hian a inthup si ani.

Tiktoker hmeichhe pakhat hian dating lama harsatna a tawh chhan a thuruk chu khawvel hma ah a puangchhuak a, princessaprilxo tih user hmangin a rawn tarlang.

Video ah chuan mipa tam takin ka kum zat hrelo in lenchhuahpui ah min sawm fo thin a ti a, mahsela a kum zat dik tak an hrechiang lo mai mai zawk tih a sawi. A kum zat dik tak a han sawichhuah chuan tleirawl leh nula pangngai kum rual vel aw zawng alo nilo. Kum 44 zet a upa alo ni tawh ani.

A video lo thlir tu te ngei pawn a kum zat dik tak a puanchhuah chu awih harsa an ti hlawm hle a, an meng pawng nasa viau nghe nghe. A chhan pawh a landan atang ringawt chuan chutiang hmel a put loh vang ani. Video hi post a nih atang vawi 800,000 aia tam thlir a hlawh tawh a, comment thahnem tak 41,000 zet a hmu hman.

Comment a dawn thenkhat ah chuan amah a insitna chu paihchhuak turin an hnem a, ‘mipa tam tak i hre lo a ni. Hmeichhia in mize tha tak a nei a nih chuan kum te zawng engmah a nilo’ tiin pakhat chuan a hrilh a, a thenin a thinlung chu a pawimawh ber zawk an ti bawk. Mi pakhat ve thung chuan buaina awm thei zawk chu amah ngawr ngawr nilovin fa neih kawngah harsatna thleng thei vang zawk niin a sawi.