Mizo Elite News hi ṭha i tihzawng a nih chuan min lo Follow dawn nia

Ka Fanu Hian Pa Tia Koh Tur A Nei Ve Tawh Lo Tiin George Floyd Nupui Chuan Mittui Tla Chungin A Fanu A Kuah

Mihang pa George Floyd thihna chuan khawvel a dengchhuak hneh viau a, buaina hrang hrang chhuak in ziaawm lam leh thawm reh lam a la pan hlei thei mai lo.

Mipui tam tak in kawng an zawh mup mup a, Floyd thihna a mawhphur tu mi 4 te chu man an nih tawh thu tarlan a ni bawk.

George Floyd nupui Roxie Washington chu Thawhlehni khan Press Conference ah a fanu nen an inlan dun a, insum zo lovin a mittui a tla.

Minneapolis City Hall a Conference neih ah hian Roxie Washington chuan a pasal kha a nupui fanau tan pa ṭha tak a nih thu leh a fanu in pa tia koh tur tumah a nei tawh loh thu te hnuk ulh teuh chungin bianga mittui luang chungin a sawi a.

An fanu kum 6 mi Gianna hian Pa a la mamawh zia te a sawi bakah a pasal tan hian rorelna dik a phut thu a au pui.

“In lam a chhungte kianga in haw laiin Gianna thung chuan Pa a nei tawh lo. A pa chuan engtik ah mah a ṭhanlen hun leh a graduat hun pawh a hmuhpui thei tawh dawn lo a, pasal a neih hun ah pawh a pa hian a kut vawnsakin a hruai lut ngai dawn lo a ni. Ka pasal khan a fanu Gianna kha a hmangaih in a ngai em em ṭhin a sin” a ti a.

“Tunah hian ka fanu leh ka pasal tan dingin rorelna dik ka phut a ni. A chhan chu ka pasal kha mi ṭha tak a ni a, midangte lo ngaihdan ah pawi ka tilo. Mahse ka pasal kha mi ṭha tak a ni” tiin a lo sawi a ni.

Nu dinhmun aṭang chuan Roxie Washington thil tawn hi a hriatthiampui awm hle a ni. A fanu rawn ṭhanlen chhoh zel hunah a pa chunga thil thleng hi engtiang chiah in nge a ngaih ve ang le.

Mercurynews