Mizo Elite News hi ṭha i tihzawng a nih chuan min lo Follow dawn nia

K-Pop Idols ah tu te nge YouTube atang sum thawkchhuak hnem ber?

Korean Music Industry in khawvel a awp hneh a,an mahni tawng ngeia an hla te hi khawvel mi nawlpuiin hriatthiam pui kher lo mahse an larna erawh a nep phah hauh chuang lo thung.

Milarte sum chet vel dan endik sak thin tu Forbes chuan kumin chhung a K-pop idols te YouTube platform atanga sum lalut hnem zual deuh deuh a tarchhuak a, YouTube hi kpop artist tan major platforms pawimawh tak zingah a tel.

Forbes hian data an khawn khawmna atang in YouTube a K-pop idols sum lalut hnem ber ah world’s biggest boy group tia sawi hial BTS te an ni a, an channel ‘Bangtan TV‘ atang $16.5 million zet thawkchhuak in pakhatna an ni.

Pahnihna ah Blackpink ten an dawt a. Blackpink hian 2021 chhungin $11.6 million an lalut thei. Blackpink te hi kum in ah Group ai mahin solo activities ah an inhmang nasa zawk a, mahse sum lalut hnem pahnihna an ni thei tho.

NCT Dream ten $1.9 million lalut in pathum na an ni a, pakhatna leh pahnihna hauh tu BTS leh Blackpink te nena an sum lak luh erawh a inthlau rem rem viau.

Kpop Idol YouTube channels atanga sum lalut tam zual 10 te;-

1.BTS – 16.5 million dollars

2.Black Pink – 11.6 million dollars

3.NCT Dream – $1.9 million

4.Seventeen -1.7 million dollars

5.GOT7’s BamBam – $1.5 million

6.MAMAMOO – $1.5 million

7.EXO – 1.5 million dollars

8.IU- 1.4 million dollars

9.aespa – 1.2 million dollars

10.TXT – 980 thousand dollars