Mizo Elite News hi ṭha i tihzawng a nih chuan min lo Follow dawn nia

K-Pop Girl Group A Member Pakhat Lo Ni Tawh Thin Chuan A Nunna Lak A Tum

South Korea Media te tarlan dan in July 29 chawhnu her lam khan K-Pop Star hmeichhia kum 27 mi Kwon Mina chu a chenna in ah mahni intihhlum a lo tum tih hriat a ni.

Kwon Mina hi South Korea ram a Girl Group lar tak pakhat AOA ah member a lo ni tawh thin a, amah hi lemchan thiam (Actress) a ni tel nghe nghe bawk.

Hetia intihhlum a tum hi a thian pakhat chuan a chenna in ah kal in a va hmu hmasa ber a, an sawidan in Mina hian thisen tam tak a hloh a, biak theih loh in nikhawhrelo in a awm tih an sawi a ni. Phone Call hmang in a thian hian biak a tum a, mahse Mina hian Phone a lak theih mai tak loh vangin a ngaihtha lo chuan a chenna Apartment hi a pan ta tawp.

Mina hian mahni inthah a tum hma in Instagram ah a kutziak ngei thusei tak a phochhuak. Hetah hian a fans te chungah ngaihdam a dil bak a, AOA a an band leader Jimin chuan Band a a cham chhung khan nasa taka a tih hrehawm thin thu a sawi bawk.

A bialpa vangin harsatna a tawk a, Mina bialpa hian hmeichhe dang nen an la inngaihzawn lai rengin Mina nen hian an inkawp tih hriatchhuah a ni. Jimin nen an inkar a that loh em vang hian 2019 khan an Band AOA hi a chhuah san.

Tun hi intihhlum a tum vawikhatna mai a ni tawh lova nikum pawh khan mahni nunna lak a lo tum tawh. Amah haw tu tam tak in an hual vel karah hmangaihtu fans tam tak ten Mina an khawngaih zia hi an tarlang a, enkawlna a mamawh tak zet thu an sawi bawk.