Mizo Elite News hi ṭha i tihzawng a nih chuan min lo Follow dawn nia

Justin Leh Hailey Te Nupa In Vogue Chanchinbu Kawm An Mawi

An inneih cham an lawm zo deuh chiah tih in Pop Star, Justin Bieber leh a nupui Hailey Bieber te chu chanchinbu kawm lam ah an inlan nghal.

Justin leh Hailey te nupa hi Vogue Italia chuan an October issue ah an hmang dawn a, Vogue tan hian Shooting neiin an thlalak Romantic tak tak te hmuh tur a rawn awm leh.

Shooting hi khum lamah te neih a ni a, nupa in hmangaih tak ni chunga chanchinbu kawm a mi tur shooting han neih dun riai chu a nawm dan pawh a danglam bik viau ngei ang le. Shooting neih chhung rei lo te mah nise Model dang daih te kianga chet tlat leh nupa a han chet tlat chu a nuam hle dawn a ni tih a rinthiam theih mai.

An thlalak hmuh a nuam in a hot bakah an lo inhmeh nasa mai bawk nen fans tam tak te thlir pawh a hlawh phah reng a ni.

He Cover shot hi master photographer Helmut Newton leh a nupui June te pual a ni a, a kawm ah pawh Newton thusawi ‘My heart is where my wife is’ tih a chuang tel.

Chanchinbu kawm ah chauh nilovin a chhung lamah pawh Interview ṭhenkhat zeh tel a ni a, Hailey hian Vogue Italia hnen ah hian a pasal Justin chu amah ti chaktu leh a engkim a engkim a nih thu te a sawi a, hei bakah hun rei tak midang hmuh tura Public a Justin a fawh loh chhan te pawh a sawi tel nghe nghe.

DM