Mizo Elite News hi ṭha i tihzawng a nih chuan min lo Follow dawn nia

Justin leh Hailey te nupa Greece trip neiin an fehchhuak, a Fans te hmuhah a nupui a duat thiam

Khawvel a nupa lar ber tih theih hial a boruak nei lian Justin Bieber leh a nupui Hailey Bieber te chu kar liamta khan romantic getaway in Greece ah trip neiin an nupa chauh in hun an hmang.

Justin Bieber pawh in a Instagram kaltlang in a nupui nen a Trip an neih thu hi a rawn hriattir a, a fans te hma ah “Baby” hitmaker hian a nupui hi a duat thiam ang reng hle.

An nupa thlalak ah chuan thu tawi fun kim tak si ‘thank you for being the sqishiest most lovable human on the face of the earth’ tih te in a ziak lang. Hailey tan chuan a pasal in a fakna hi hei aia han lawmna tur leh chuang dang hi a hmu bik kher lo ang.

Thlalak hrang hrang hmuh theih atang in lawng hmang in Mediterranean ah te an leng dun a, Justin hian tie-dye rainbow jumper inbel in Hailey hi sky blue cami dress a inbel thung.

Greek kawtthler lam a romantic taka an thlalak pawh hmuh tur a awm a, hetah hian Hailey in pink Magda Butrym dress ha in, a man zat hi £1140 a ni. Greece a chawlh an hman hma lawk in Thawhtanni khan French president Emmanuel Macron te nen an inhmu bawk.