Mizo Elite News hi ṭha i tihzawng a nih chuan min lo Follow dawn nia

Justin leh Hailey te nupa Event chhim in mite mit an la tak zet

Khawthlang ram a milar nupa zinga boruak nei lian ber pawl leh Media te zui nasat ber tih theih Pop Star, Justin Bieber (27) leh a nupui Hailey Bieber te chu Thawhtan zan khan Los Angeles khawpui a Freedom Art Experience gallery event ah kal dun in midang te mit an la leh viau.

Tum tum a an chhuak dun zet chu Event chhim tih hriat tak in Street Style mai mai ni tawh lovin formal tak in thuamhnaw pawh an inbelchhuak a, Justin hian classic black tuxedo a ha chhuak a, Hailey hi a pasal thuam mil tak tur black velvet dress a inbel a ni.

Justin hian pasal a nihna ang in Event ah hian a tih tur a hai lo khawp mai a, midang te hma ah a nupui Hailey hi a dah pawimawh thiam in an chhuak lam pawh a nupui hi a kutin a vuan deuh chawt.

Hailey hian an thlalak hi post in, Justin chu love of my life ‘LOML’ tiin a ko zui sak bawk a, an fans te lawmna tur thil an siam sak thiam thin viau a ni.

Kar liam ta mai khan Justin Bieber hian SoFi Stadium ah a milar thian dangte nen Freedom Experience concert hlawhtling tak an nei zo deuh chauh a, art exhibit event hian in a zui nghal a ni.