Justin leh Hailey Bieber te nupa hian an inhmangaihzia hi an fans ten a an lo hmuhpui hi nuam an ti viau a, a khat tawk in an nupa inkar a that zia hi sawichhuak kher lovin chetzia in an lantir.
He Pop Star kum 27 leh a nupui Supermodel kum 24 te hi tun Weeknd pawh an hmang nuam viau tih a hriat hle a, Florida khawpui ah laitual lengin Miami ah an bazar ham ham mai.
Justin hian khawlai pawh sawi hleithei lovin a nupui hi midang te hmuh turin a kuah deuh chawt reng a, thlalatu te hma ah pawh a hauh viau. Tin, Shopping trip an neih ah hian Justin hairstyle thar sawi hlawh tak mai dreadlocks pawh hmuh theih a ni.
Misual leh fans che over ve thei tak tak te chimbuak an duh vak lo ni tur a ni, Shopping Trip ah hian a khauh thei ang berin security lam in an hnung ah an zui bawk.
Tunlai hian Justin hian DJ Khaled te nen an thawhdunna “Let It Go” music video shooting neiin a buai hle. June thla a summer gigs a tan tur pawh hripui leng mek boruak vangin kum 2022 ah sawn hlat a ni.
