Mizo Elite News hi ṭha i tihzawng a nih chuan min lo Follow dawn nia

Justin leh Hailey Bieber te nupa Italian Restaurant ah an inzui kawi hnak hnak

Hollywood Couple lar em em te pahnih Justin leh a nupui Hailey Bieber te pawh hmangaih leh inngeih tak chung in an la inkawp tluang ve zel e.

Thawhlehni khan Justin Bieber te nupa hi Los Angeles khawpui a Italian restaurant pakhat ah chaw ei turin an inzuichhuak a, kum 27 a upa “Peach” singer hian casual takin sweatshirt pawl ha chhuak in a sam style thar dreadlocks pawh chhuang takin a rawn pu chhuak.

A nupui actor Stephen Baldwin fanu duat Hailey Bieber hi crop top var leh pants ha in, leather coat dum fual tha tak a chung ah a inbel a, a mawipui hle bawk a ni.

Thla liam ta mai khan Canadian star hian Justice World Tour a neih tur chu hripui leng mek vang in kum 2022 ah a sawn hla a, Justin chuan he Tour a neih tur hi a tha thei ang ber a duh vangin fans te nena an inpawh tlan theih hun tur tha zawk a nghak a ni.

2016 a Album a tihchhuah Purpose Tour a neih kha a Concert hnuhnung ber a la ni a, mahsela Purpose Tour hi a hmawr pawh a bawk fel hma hauh in mimal harsatna vangin Tour a neih hmabak zawng zawng te a lo Cancel vek.