Mizo Elite News hi ṭha i tihzawng a nih chuan min lo Follow dawn nia

Justin leh Hailey Bieber te nupa in nu leh pa dinhmun an zir chho mek e

Khawvel a nupa lar ber leh ngaihven hlawh ber zinga mi Justin Bieber leh Hailey te nupa chuan nu leh pa dinhmun hi engtiang chiah nge alo nih tehreng tih hriat an duh ve hrim hrim nge an lenchhuah na ah naute an hruai tel tlat mai.

Pathianni a Los Angeles a hun an hman na ah Bieber nupa hian Hailey unaunu Alaia Baldwin leh a pasal Andrew Aronow te fanu Iris Elle chu an kiangah an hruai ve a ni.

Hailey hi oversized brown blazer, denim cut-off shorts leh a mil turin sneakers var a bun a, thuamhnaw hak tur pawh a thlang thiam leh narawh, stroller in Hailey hian a u fanu hi a lo nawr.

West Hollywood a Alfred Coffee ah an chawl hahdam a, restaurant Joan’s On Third an pan hma in Melrose Place Farmer’s Market an tlawh hmasa bawk.

Justin Bieber hian a hma atang tawh in naute a ngainat zia chu a lo tilang fo tawh a, a nau te nen pawh nu hrang ni mahse a en dan a hrang chuang lo. Hmangaih leh duat taka enkawl in an tan unaupa tha tak a ni thin reng a ni.

Kar hmasa mai khan Iris hian kum 1 a tling ve chiah a, Hailey in Instagram ah a thlalak post in ‘Aunty leh Uncle te hian an hmangaih lutuk che a nia’ tia Caption dahin a u Alaia a tag tel bawk.

Justin leh Hailey te hi an inneihna a rei ve tawh ngaihtuah in fa an neih har thu hi an sawi fo thin reng a. Justin erawh in fa neih chu an hmanhmawh loh thu a lo sawi tawh. 2020 a The Ellen DeGeneres Show a inlan tum ah a nupui Hailey chu nau pai tur zawk a nih angin a duhthlanna a zahsak hle tih a sawi a ni.