Milar nupa zinga thawm nei lian ber pawl Justin Bieber (kum 26) leh a nupui Hailey Bieber (Kum 23) te chuan chenna in nalh leh mawi tak an lei thar.
Justin te nupa hian chenna in hi Los Angeles ah an lei thar a, a chhung leh pawn lam thlalak hmuh theih aṭang ringawt pawh in a nawm hmel hle. Hei vang hian a man pawh a tlawm thei lo. Mansion hi $25.8 million zet in an lei a ni.
11,000-sq. ft a zau a ni a, Bedroom 7 leh inbualna bathroom 10 zet a awm. Variety in a tarlan danin mansion hi 1980 a sak kha a ni a, 2015 khan $16.5 million in hralh a lo ni tawh tih a sawi.
Pawn lamah inchiahdaihna turin Pool zau ṭha tak a awm a, insawizawi an duh a nih pawhin home gym a awm bakah tennis khelhna tur Court chenin a awm bawk. Lehkhabu leh album vel dahna tur library pawh duhthusam in a lian ṭha hem hem hle.
An ṭhenawm ah hian Eddie Murphy, Sylvester Stallone, Sofia Vergara leh Denzel Washington te an awm bawk a ni. Bieber te nupa hi Beverly Hills mansion ah cheng ṭhin in nikum March thla lawk khan an lei.
Mahsela Justin te hi chenna in ngai ah a awm rei thei lo nge a hne deuh zung zawng zawk ni, October thla khan Instagram kaltlangin an Mansion chu furniture pawh tiam in a lo zuar a ni.
DM